اذكار الصباح و المساء

الخميس، 19 يناير 2012

لم نقدر الآباء.."فكدرونا" الابناء !!

  شارك الموضوع لاصدقائك على فيس بوك بالضغط على Share


لما جتلي فكرة اكتب الموضوع ده 


مكنش من منطلق اكرر كلام الجرايد اللي بنشوفه و بنسمعه و زهقنا منه

و لا عشان اقول انا شخص مثالي او مصلح اجتماعي..

بالعكس ان كتبت الموضوع ده عشان اوجه رسالة لنفسي قبل ماوجها ليكم كلكم.. 

كتير مننا..

كتير ايه؟!! 

كلنا بمعني اصح 

لما يلاقي والده بيطلع عنيه و يقوله اعمل كذه و كذه و ساعات ينكد عليه و يتعصب عشان حاجات احنا بنشوفها بسيطة
متستاهلش..

او لو بنت تلاقي والدها يقيد من حركتها و تصرفتها حبتين او يقولها تكلمي مين و متكلميش مين.. تلبسي كذه وبلاش كذه.. 

في الحالتين سواء الولد او البنت بيحس انه ابوه ده اتخلق بس عشان ينكد عليه و يطهقه في عشته و يقيد حركته و حريته

و انه مبيحبوش او مبيحبهاش و مش عايز يشوفهم مبسوطين.. 

تعالي معايا واحدة واحدة و نشوف هل ده صح و لا لأ؟!!.. 

قولي كده

هو والدك بيتعب و يطلع عينه في الشغل ليه و عشان مين؟ 

مممم..عشاني 

طب ايه اللي يجبره علي كده؟ 

اصل دي سنة الحياة و ده فرض عليه لازم يأديه..

ربنا اداني الحق ده عليه.

اااااايه ده !! 

استني ده انت قولت ربنا..

يعني والدك بيراعي حق ربنا فيك اهوه..صح؟ 

عادي يعني..ما كل الابهات كده 

لأاااااا طبعا..

جربت انت اب بيأكل ولاده من الحرام..

جربت اب عمره ماهتم بولاده عايزين و لا محتاجين ايه؟..

جربت اب كل يوم يتجوز واحدة يخلف منها و بعد كده يرميها هي و ولادها..

جربت اب يشتغل يوم و يفوت عشرة عشان مزاجه و كيفه و عمره ما اتحمل مسئولية..و غيرهم كتير اووووووي.. 

هيحصل ايه لو استحملت ابوك شوية حتي لو كان عصبي و بيتلككلك علي كل صغيرة و كبيرة..

ليه لما بيكون في مشكلة بتقول مليش دعوة ماهو اللي عمل في نفسه كده؟!! 

لا يا راجل ماهو عمل كده عشان مين ؟ مش عشان سعتك..

عشان متحسش في يوم من الايام بالعجز او الفقر او يكون نفسك في حاجة و متلائيهاش زي ما هو اتحرم و حرم نفسه منها..

تفتكر بعد كل ده مبيحبكش و عايز يشوفك احسن واحد.. 

قولي صحيح.. 

 ياتري محطتيش نفسك مكانه و تخيلت ابنك بيعمل معاك كده 
او حسيت انه دايما مش طايق منك طلب؟!!

لأااا طبعا..

ماهو لو انت حطيت نفسك مكانه و لو ثانية واحدة هتعرف و هتعذره و مش بعيد تحس انه كان طيب اوي اوي عليك..

بلاش كل ده يا عم هنبفترض انه بيزهأك في عيشتك..

ليه متستحملوش علي قد ما تقدر و تيجي علي نفسك شوية 


بلاش عشانه عشان نفسك لما تبقي اب و تعمل حاجة تضايق ابنك او بنتك يستحملوك و يعوضوك بحنانهم..

ليه دايما مستبعد انك تكون زيه في تصرفاتك مع اولادك في يوم من الايام..


بس في فرق واحد..


انك دلوقتي شايف انه غلطان في حقك..


لكن لما تبقي اب و تتصرف زيه هتغلط ابنك !! 
مش هتغلط نفسك.. 


طب قولي انت عندك كام سنة؟ 20 مثلا..

قولي عملت ايه عشان تبقي قدوة لابنك بجد يفتخر بيها في حياته و يفتكرك بالخير بعد ما مماتك؟ 


و لاااا حاجة.. 


متخيلتش نفسك في يوم من الايام ابنك يواجهك و يقولك انت عمرك ما كنت قدوة ليا 
و انت اكتر حد المفروض اتعلم منه و اقلده..

كتير من في سننا بشوفهم بيشربوا سجاير و بيزيدوا كل يوم..

تقدر تقولي هتقول ايه لابنك لما يكبر و يقلدك بدون وعي لمجرد انه شافك بتعمل كده.. 


ياريت نفكر شوية و منتسرعش في ردود في افعالنا 


و نقدر الناس دي بتتعب عشان نكون في افضل مستوي ازاي..

عشان منبقاش زي ما قولت "لم نقدر الآباء..فكدرونا الابناء"

يارب مكنش طولت عليكم 

و في نهاية كلامي احب اقول


"ربنا يخلي ابهاتنا و ميحرمناش منهم".

السلام عليكم

(منقول)

اذا اعجبك الموضوع
اضغط على أعجبنى ( like )

التعليقات: 0

إرسال تعليق

أزرار المشاركه على الفيس بوك و تويتر و مواقع التواصل
Twitter Delicious Facebook Digg Stumbleupon Favorites More